Пацинетите со леукемија ќе го примаат оној лек за кој ќе одлучат Клиниката за хематологија и Бирото за лекови, а Фондот е само купувач на услуги. Вака одговори директорот на Фондот за здравство Јован Грпоски за новинарско прашање, дали лекот кој го примаа до сега ќе биде заменет со поефтин, кој доби на тендерот. Пацинетите останаа без одговор од надлежните и сега се наоѓаат безизлезна ситуација.
-Немаме соговорник никој не не сфаќа сериозно, ниту министерот ниту директорот на Фондот изјави за НОВА Пепо Леви претседател на Здружението на болни со хронична миелоична леукемија ХМЛ.
Директорот Грпоски затоа пак денеска најави дека ќе им овозможат да им се олесни процедурата на земење на лековите на болните со одреден тип на рак.
Околу 200 пациентите со хормонски рак на дојка и и уште толку со рак на простата, како и со тумори на гастроинестинален тракт во иднина терапијата ќе ја подигаат на секои три месеци со доставување на болнички упат кој ќе важи една година, наместо да доаѓаат еднаш месечно како до сега.
На ваков начин ќе се издава терапија за седум видови на лекови. Тоа се ампулите Золадекс 3 и 10, како и Бикатуламид, Анастразол, Летрозол, Ибандроник и Иматиниб.