Филмската драма „Boyhood“ на режисерот Ричард Линклејтер ја освои филмската награда „Златен глобус“ во три категории – за најдобар драмски филм, режија и споредна женска улога, додека „The Grand Budapest Hotel“ на Вес Андерсон е прогласен за најдобар филм во категоријата комедии.
Златен глобус за најдобар актер во драми е доделен на Еди Редмејн за улогата во филмот „The Theory of everything“, додека Џулијан Мур за најдобра актерка во остварувањето „Still Alice“.
Најдобар актер во комедија е Мајкл Китон во филмот „Birdman“, остварување кое беше фаворит на годинашниот Златен глобус.
Ејми Адамс доби Златен глобус за најдобра актерка во комедијата „Big Eyes“. Рускиот филм „Leviathan“ на Андреј Звјагинтсев е прогласен за најдобар странски филм.
Ејми Адамс
Во телевизиските категории, за најдобра драмска серија е „Showtime“, најдобар актер Кевин Спејси во серијата „House of Cards“, а за најдобра актерка Рут Вилсон во „Showtime“.
Кевин Спејси
Ова е целосната листа на добитници:
Најдобра драма:
Boyhood
Најдобар актер (драма):
Еди Редмејн – The Theory of Everything
Најдобра актерка (драма):
Џулијан Мур – Still Alice
Најдобар филм (мјузикл или комедија):
The Grand Budapest Hotel
Најдобар актер (мјузикл или комедија):
Мајкл Китон – Birdman
Најдобра актерка (мјузикл или комедија):
Ејми Адамс – Big Eyes
Најдобар странски филм:
Leviathan
Најдобар анимиран филм:
How to Train Your Dragon 2
Најдобар актер во споредна улога:
Џ.К. Симонс – Whiplash
Најдобра актерка во споредна улога:
Патриша Аркет – Boyhood
Најдобра режија:
Ричард Линклетер – Boyhood
Најдобро сценарио:
Алехандро Гонзалес Инариту, Николас Џиакобоне и Армандо Бо – Birdman
Најдобра музика:
Јохан Јохансон – The Theory of Everything
Најдобра оригинална песна:
Glory од Selma
Сесил Б. Демил награда за животно остварување:
Џорџ Клуни