Семејството на моментално најбараниот човек на светот, 24 годишниот Тунижанец Анис Амри, е шокирано од сознанието дека тој бил напаѓачот кој во Берлин со камион уби 12 луѓе, а уште десетина повреди.
Во разговор за германски „Билд“ еден од браќата на осомничениот, Валид Амри, рече дека не бил многу често во контакт со Анис, но тврди дека неговата фамилија нема никаква врска со Исламската држава.
Тој изјави дека со брат му се слушнал пред две недели и дека комуницирале преку фејсбук.
„Се чинеше дека се е во ред. Ми кажа дека добил постојан престој во Германија“, рече Валид.
Другиот брат на Амри бил многу покритичен во разговор за АФП, кој не криел дека е шокиран од информациите кои доаѓаат од Германија
„Кога го видов неговот лице на телевизиите, речиси паднав од стол. Не можев да им верувам на своите очи. Ако се докаже дека тој навистина е виновен, тогаш заслужува настрога можна казна. Нека гние во затвор“, изјавил братот на осомничениот.
Германското обвинителство за борба против тероризам го идентификува осомничениот Анис Амри, 24 годишен Тунижанец, и за него издаде потерница и понуди награда од 100.000 евра.
Неговото најблиско семејство живее во центарот на Тунис, тој има четири сестри и еден брат. Анис Амри пред неколку години илегално емигрирал во Италија, а лани во јули заминал за Германија каде побарал азил, но бил одбиен.