Бројот на мигрантите блокирани во Идомени на грчко-македонската граница расте откако четири балкански земји, помеѓу кои и Македонија, одлучија да воведат нови квоти како реакција на последнит потег на Австрија.
– Оваа ситуација ќе биде решена за 15 дена, изјави грчкиот министер за миграција Јанис Музалас за грчката новинска агенција додавајќи дека владата ќе инсталира кампови низ целата земја во кои ќе можат да се сместат од 2 до 3.000 лица.
Оваа блокада настана откако Македонија одлучи пред една недела да ја затвори границата за Авганистанците и земјата бара од Сиријците и Ирачаните лични документи заедно до документите добие во центрите за регистрација во Грција.
Словенија и Хрватска, исто како и Македонија и Србија, најавија во петокот дека бројот на дневни влезови во земјата ќе го лимитираат на 580 лица.
Овие потези на балканските земји се последица на австриската одлука да го лимитира на дневно 80 лица влезот на барателите на азил и на 3.200 лица кои се во транзит.
ЕУ ја предупреди Австрија дека нејзината политика не е во согласност со меѓународните конвенции за бегалците.
– Ние се наоѓаме пред хуманитарна криза која други ја предизвикаа, рече Музалас. Тој вели дека камповите што Грција ќе ги инсталира треба да одговорат на елементарните потреби на бегалците за лимитран период.
Околу 150 бегалци успеале де ја поминат македонската граница пред затворањето а во Грција во моментов се наоѓаат 20.000 бегалци. Оваа ситуација предизвикува тензии.
Во саботата имаше протест на бегалците на македонската граница а бегалците протесираа и пред австриската амбасада во Атина барајќи да се отворат границите и да се сопре војната во Сирија.
Протести имаше и во повеќе европски градови. Во Брисел над 3.000 луѓе излегоа во центарот на градот како поддршка за бегалците а протести имаше во повеќе германски градови и во Париз.