Посетителите во Грција, кои во голем број не дојдоа во земјата минатата година поради протестите и штрајковите во целата земја против мерките на штедење, се враќаат во рекорден број и им даваат на туристичките претставници надеж дека легендарниот амбиент на оваа држава ќе помогне истата да се извлече од длабоката финансиска дупка, пишува порталот SETimes.com
Грција очекува најдобра досега година, со 17 милиони посетители, како и дека ќе има полза од релативната политичка стабилност и немирите во конкурентните туристички дестинации, како што се Турција и Египет. Банката на Грција објави дека во првите пет месеци приходите од туризмот драстично пораснале, за 38,5 отсто, додека странските посети се зголемиле за 24 отсто.
Во април туризмот порасна за 360 отсто во споредба со истиот месец во 2012 година, додека во мај скокот изнесуваше 120 отсто, односно годината се очекува да заврши со целокупен раст од 15 до 20 отсто, информира порталот SETimes.com