Бугарија ја доби 10-та преодна влада, новите избори се закажани за 9 јуни

Софија: Бугарија денеска доби преодна влада на чело со премиерот Димитар Главчев, а за 9. јуни се закажани вонредни парламентарни избори.

Народното собрание на вонредна седница ја инаугурираше 10. преодна влада во историјата на државата, а шеста во последните четири години.

Тоа е и првата влада која по неодамнешните уставни измени положи заклетва пред парламентот, а не пред претседателот.

.Според Уставот на земјата, доколку не се постигне договор за формирање влада, претседателот по консултација со пратеничките групи назначува преодна влада и распишува нови предвремени избори во рок од 2 месеци.