Browsing: ВЕСТИ

Денес Полска одбележува пет години од смртта на претседателот Лех Качински кој загина во авионска несреќа во Смоленск во Русија. Сите околности на несреќата се уште не се сосема разјаснети.

Овој чекор на Марин Ле Пен кон нејзиниот татко Жан-Мари е, според неа, заштита на политичките интереси на Националниот фронт. Таткото и ќерката беа многу блиски соработници и таа за него велеше дека е не само татко туку и нејзин ментор и заштитник.

Ципрас и Путин договорија соработка за гасоводот Турски тек помеѓу Русија и Турција а Грција би требало да биде базата од која ќе се испраќа гасот во земјите на југот и југо-истокот на Европа. Според Путин “Грција ќе добие стотици милиони евра за транзит на гасот”.

Доколку не успеат преговорите во Европскиот парламент, ЕУ може да испрати висок претставник како медијатор за надминување на политичката криза. Таа, со оглед на нејзините димензии, претставува закана за стабилноста на регионот, вели Душан Рељиќ, од германскиот Институт за надворешна и безбедносна политика, во интервју за НОВА

Контроверзна посета на Ципрас кај Путин. Москва става на знаење дека во ЕУ има влади кои бараат партнерство со Русија и покрај санкциите по анексијата на Крим, додека за Ципрас ова е пред се симболичен чекор за да се добијат поени кај домашната јавност во тешката ситуација на Грција.

Велика Британија излегува на избори на 7 мај. И се наоѓа на еден вид раскрсница бидејќи во на политичкиот пејсаж важност добиваат и помали партии на кои лабуристите и конзервативците ќе мораат да сметаат за да состават влада. На овие избори оваа земја лесно може да влезе во “повеќепартизам” и да излезе од досегашната практично би-партиска политичка сцена.

Поради објавите на фотографиите при киднапирањето на турскиот обвинител минатата недела, турските власти го блокираа пристапот до социјалните мрежи Твитер, Јутјуб и Фејсбук

Илјадници граѓани се осудени, без нивно знаење на казна затвор во траење од три месеци или условно од една година бидејќи податоците на УЈП покажале дека имаат поголем приход од прикажаниот во обрасците што ги пополнувале во ФЗОМ

Чист патриотски чин на власта е оваа израелска донација- започнувајќи од шефот на тајната полиција, чие име би требало тивко да го изговорите, а јас нема да го споменам согласно максимата- Татковината, тоа е тој, предавниците, тоа сме ние!

Со оглед дека МВР тврди дека при набавката на опремата со пари од донацијата се платени царина и ДДВ, чудно е што во овој случај не била искористена можноста за ослободување на донацијата од овие давачки

Развојот на ситуацијата следи по истражувањето на неделникот Корео Семанал објавено на 19.март, во кое излезе список на Перуанци кои биле шпионирани од Директоратот на националната агенција за разузнавање (Дини)

Државната служба за борба против корупцијата на Романија (ДНА) влезе во битка со “меѓупартиската мафија”. Истрагата на ДНА почива на снимките на тајната служба на високи политичари. Се апсат судии, обвинители, бизнисмени и политичари од двете најголеми партии. Романија е на добар пат, вели Брисел.