Собранието на Република Македонија за нови министри за внатрешни работи и за транспорт и врски ги изгласа Митко Чавков и Владо Мисајловски.
За Чавков, по 71 пратеник гласаа “ЗА“, додека двајца беа воздржани, а само еден “ПРОТИВ“. За Мисајловски пак, чеворица пратеници се изјаснија “ПРОТИВ“.
Денешното поставување на новите министри доаѓа по предлогот на премиерот Груевски откако синоќа оставки поднесоа Гордана Јанкулоска, Миле Јанакиески и Сашо Мијалков.
Груевски во Собранието потенцираше дека Јанкулоска и Јанакиески, како и директорот на Управата за безбедност и контраразузнавање Сашо Мијалков биле пример за раководење на тешки позиции, работливост и чесност.
Во писменото известување до премиерот, Јанкулоска напишала дека во изминатиот период работела професионално и посветено раководејќи се од интересите на граѓаните и државата.
Јанакиески пак напишал дека неговото заминување од функцијата ќе придонесело за стабилизирање на политичката состојба во државата, додека Мијалков во своето писмено известување до Груевски напишал дека и покрај оставката тој секогаш ќе биде тука за Македонија и народот.