Најмалку 12 лица се ранети, меѓу кои и едно тригодишно дете, во пукотница во еден парк во Чикаго, соопшти локалната полиција, јавува СНН.
Тројца од ранетите, меѓу кои е и тригодишното дете се префрлени во локалните болници и се наоѓаат во критична состојба.
„Чикаго трибјун“, повикувајќи се на наименувани извори, пренесе дека момчето било рането во главата.
Пукотницата се случила, синоќа во 22:15 часот по локално време.
Полицијата досега потврдила само дека неколку лица се ранети во престрелката.
Весникот наведува дека инцидентот се случил на игралиште за кошарка и дека веднаш по пукањето на местото на настанот дошле 60 полицајци.
Во Чикаго минатата година убиени се над 500 луѓе.
Според ФБИ во Њујорк, кој има три пати повеќе жители од Чикаго, минатата година биле убиени 419 луѓе