Синдикатот на културата на Република Македонија (СКРМ), на утре со почеток во 13:30 часот, организира мирен протест пред зградата на Министерството за култура.
Со овој протест вработените во институциите од културата ќе го искажат својот револт за:
– Донесувањето на измените во Законот за културата;
– Ниските плати;
– Недонесувањето на нов колективен договор за културата повеќе од 10 години;
– Ангажмани на вработените во културата надвор од матичните установи без соодветни дневници;
– Неисплатување на теренски надомест на основ на одвоен живот, отежнати услови за работа, изложеност на надворешни влијанија итн.;
– Невалоризирање на стекнатите стручни звања и нивна исплата;
– Забрзано спроведување на систематизациите во институциите од културата.
Нагласуваме дека овој протест не е организиран од политичка партија, ниту има било каква поврзаност со актуелните политички случувања во Република Македонија. Овој протест е исклучиво од синдикален карактер чијашто главна цел се подобри услови за вработените од културата во Република Македонија, се вели во соопштението.