Славoј Жижек и Ноам Чомски, двајца од највлијателните живи левичарски интелектуалци на Запад влегоа во жестоката дебата иницирана од страна на американскиот теоретичар Чомски, кога кон крајот на минатата година во едно радио интервју изјави дека се “празни позери” – француските филозофи Жак Лакан и Жак Дерида, како и словенечкиот филозоф Жижек.
Чомски неговите истакнати европски колеги ги обвини за тривијални идеи и дека се наметнуваат со нејасни и надуени фрази за да се звучат длабоко и ги нарече заедно со своите следбеници -“култ”, анализира порталот OpenCulture.
“Не постои” теорија “во оваа, барем не во смисла на теоријата што е позната на сите кои имаат врска со науката или некои други сериозни област”, рече Чомски, додавајќи дека не е заинтересиран за таков вид на позерство, за што Жижек го смета за екстремен пример.
Тоа поттикна јавна дебата во која на крајот од минатата недела се вклучи Славој Жижек во текот на панел дискусија во Birckbeck колеџот во Лондон.
“Со голема почит која ја имам кон Чомски, мојата поента е дека тој, кој секогаш нагласува дека треба да се биде емпириски и точен, наспроти некои луди Лакановски шпекулации, често беше емпириски погрешен. На пример, јас се сеќавам кога тој ги бранеше протестите на Црвените Кмери . Напиша неколку текстови во која тврди дека тоа е западна пропаганда и дека режимот на Црвените Кмери не бил толку страшен.
Кога подоцна беше принуден да признае дека Црвените Кмери не се најдобрите момци во универзумот, неговата одбрана беше шокантна. Чомски всушност тврди дека бил во право со оглед на информациите што тој ги имаше во тоа време.
Јас целосно го отфрлам тој вид на размислување “, рече на Жижек, според транскриптот на дел од своето излагање, кое го напиша и објави на својата веб- страна Сем Бургум, докторант на Универзитетот во Њујорк.
Славој Жижек во оваа прилика ја коментираше популарноста на неговите теории, која тој ја нарече заблуда: “Малку ме лути таа идеја надвор дека ние со нашиот длабок софистизам имаме хегемонија во општествените науки Дали луѓето се луди.?”
Жижек тврди дека неговото учење е маргинализирано и дека постојат различни стратегии за да се ограничат, па затоа е прогласен како забавен кловн кој не треба да се доживее сериозно.
За својот мега-ѕвезда статус во САД Жижек вели дека пред неколку дена добил писмо од еден пријател во САД, а кој не добил работа, бидејќи доставил писма на препораки што Жижек ги пишувал. Тој речиси и добил работата се додека некој во Одборот не кажал: “Но, ако го препорачувал Жижек, тоа значи дека со него нешто ужасно е погрешно.”