Асоцијацијата за напредок, едукација и лобирање (НЕЛ) во клубот ГЕМ во Скопје, викендов организираше еднодневен семинар за родови односи во рамките на проектот „Човечкиот фактор“, поддржан од Европската Фондација за Млади.
На семинарот учествуваа 30 млади луѓе на возраст од 16 до 28 години, кои дискутираа на различни теми поврзани со родовите односи на локално, национално и интернационално ниво.
.jpg)
– Семинарот беше можност за младите да го споделат своето знаење, искуство, но и своите идеи и предлози за надминување на разликите, дискриминацијата, родовата нееднаквост, нетолеранцијата и родовото насилство, вели Андријана Штериова, претседателка на Асоцијацијата НЕЛ.
Активностите беа базирани на принципите на неформалното образование, а во рамките на проектот беше презентиран и календар кој ја промовира родовата еднаквост.
.jpg)
„Евалуацијата на семинарот покажа дека тој беше успешно релизиран и учесниците задоволни од знаењето и искуството кое го стекнаа пројавија интерес за активно учество на локално и интернационално ниво. Со цел да продолжиме на јакнење на капацитетот на младите, нашата организација ќе продолжи со организирање на други настани во периодот кој следи“, потврди Штериова.
Еднодневниот семинар е дел од проектот „Човечкиот фактор“, во чии рамки се организираат 10 локални настани со иста тематика во: Романија, Англија, Албанија, Србија, Турција, Грција, Бугарија, Полска, Литванија и Македонија. Семинарот во Скопје е трет по ред од серијата локални семинари по кој во наредните две недели ќе следат останатите седум во преостанатите држави.
.jpg)