Турски уметник кој стоеше мирно со часови на плоштадот Таксим во Истанбул, пркосејќи и на полицијата, денеска е уапсен.
Повеќе од пет часа човекот гледа во портретот на Кемал Ататурк, основачот на модерната турска држава, но полицијата на крајот му пријде и го уапси, како и многумина кои му се придружиле во мирниот протест.
Перформансот на турскиот уметник Ердем Гундуз набрзо беше наречен „човекот кој стои“.
Многумина од оние кои синоќа му се придружија на Гундуз стоеја со цел да се врати мирот, без определување на чија страна се.
„Стојам против секакво насилство. Стојам случувањата, на коишто сме сведоци последниве две до три седмици, да престанат“, рече еден од уапсените, Корај Конук.
Корук за CNN потврди дека турската полиција ги пикнала во автобус со уште 20 други лица кои му се придружиле на Гундуз, но уметникот не бил со нив.
„Само стоев, тие уапсија човек кој само стоеше. Тоа е бесмислено“ рече Конук.
Протестите во Турција почнаа последните денови од мај поради плановите на градските власти да претворат една зелена оаза во Истанбул, паркот Гези во трговски центар.
Многу бргу „зелениот протест“ прерасна во масовни антивладини демонстрации.