„Во Македонија не очекуваме враќање на граѓанската војна од пред една декада. Сепак, конфликтите помеѓу албанската и македонската заедница може да се заострат во годината што претстои.
-Тензиите помеѓу Македонија и Бугарија исто така бараат дополнително внимание. Покрај тоа, и понатаму е присутна блокадата за користењето на името „Македонија“ од страна на Грција, нешто што претставува уште еден извор на иритација, и блокада на евроатланските аспирации на земјата.“
Ова е делот од извештајот на ЦИА презентиран пред американскиот Комитет за разузнавање, посветен на Македонија.
Во општиот дел посветен на Балкаанот, од ЦИА оценуваат дека етничките и внатрешнополитичките поделби во западен Балкан ќе продолжат да претставуваат најголем ризик за регионалната стабилност годинава.
Според ЦИА, „Многу од државите од регионот страдаат од економска стагнација, висока стапка на невработеност, корупција, и проблеми со владеењето на правото.
-Иако безбедносната ситуација со српското малцинство на северот од Косово се подобри од есента 2011, западните дипломати и безбедносните сили треба да имплементираат многу од работите дговорени во разговорите под посредство на ЕУ.