Циклонот Теодор стигна во Хрватска и загрози три животи. Снег падна на Сљемен, Завижан и врвот Учка. Силата на бурата достигнува до 220 километри на час, па автопатиштата се затворени, уништени се многу згради.
Стеблото кое со моторна пила го уриваше вчера падна врз 58-годишен маж денска почина од повредите.
Силно невреме ја погоди утрово Хрватска. Синоќа Во Загреб ветрот достигна брзина од околу 60 километри на час, носи гранки и руши дрвја, пожарникарите интервенирале во текот на ноќта околу 500 пати.
Утринава ветрот урнал дел од главната зграда Паромлин, а во опасност е другиот дел од овој важен споменик на индустриската архитектура сместен меѓу концертната сала „Ватрослав Лисински“ и Главната железничка станица во Загреб. Откорнат е покривот на основното училиште Иван Горан Ковачиќ во Загреб.
Во видеото (горе) погледнете како за време на интервенција еден пожарникар кој на земја се обидуваше да го задржи скршениот лимен покрив, бурата го подигна од подот и го удри во блиската зграда. Ова неверојатно видео снимено е во средиштето на Ријека.
Во Дубровник поројните дождови предизвикаа колапс во сообраќајот – голем дел од капаците на шахтите сами се подигнеле. Количината на дожд во изминатото деноноќие е 90 литри на метар квадратен.
Државниот хидрометеоролошки завод прогласи таканаречен црвен аларм.
Во Центарот за итна помош во Ријека примени се повеќе повредени лица, меѓу нив двајца се борат за живот. Според локалните медиуми двајца работници паднале од скеле високо осум метри.