Луѓето кои требаше да бидат зад решетки, сега се најгласни во оцрнувањето на СЈО, во отворените напади за криминал во СДСМ, и од различни ама комотни позиции во власта испраќаат совети до новоизбраниот државен обвинител, за тоа, што прво треба да направи за да веднаш биде разбран дека е правичен и народен обвинител, дека прво треба да ги уапси Заев и тајфата, да го обвини Венко и дружината.
Борче Трајковски
За жал, оваа српскоскопска констатација често ја употребувам во моите написи. Ниту ми беше, ниту ми е сега, а најверојатно ниту некогаш ќе ми биде јасно, со која идиотска бактерија човек треба да биде попрскан за да избрише ФАКТИ за кои не му требаа дополнителни докази, истраги, обвиненија, пресуди, ФАКТИ за кои не му требаше СЈО, ФАКТИ кои откако се појавија во јавност, наместо шарена револуција, требаше да предизвикаат булдожер и трактор револуција, копачи, ашови и мотики, српови, чекичи и стапови, за да им се пресуди по брза постапка на апашите од прва класа, и да се изолираат во минираните ливади на Криволак за со стапчиња да бараат неексплодирани нагазни и ракетни боеви глави од времето на ЈНА. Боси, разбира се …
Пенкалото произведе кампови и театарски шоуа пред владата која требаше да се исшутира, го произведе СЈО, а СЈО произведе издржани обвиненија со релевантни дополнителни докази од бомбите, за оноа за што на иоле паметен и трезвен човек, не му требаше. Не му требаа дополнителни докази за да апашите на сопствената држава и сопствениот народ ги депоратира на Криволак, а како што гледаме, читаме и слушаме, улогите се сменија. Неверојатно ама вистинито…
Луѓето кои требаше да бидат зад решетки, сега се најгласни во оцрнувањето на СЈО, во отворените напади за криминал во СДСМ, и од различни ама комотни позиции во власта испраќаат совети до новоизбраниот државен обвинител, за тоа, што прво треба да направи за да веднаш биде разбран дека е правичен и народен обвинител, дека прво треба да ги уапси Заев и тајфата, да го обвини Венко и дружината. Да, драго мое мкд пучанство, Милошовски звани Хер Флик, Николовски звани Лигња, Латас енд Сител компани, платените кретенчуги од АЛфа ТВ, со типците како Сотка, Ники, Златев, Чашуле, Богдан, Кикифрикиевци и други од најлажното патриотско крило на ДПМНЕ, се најгласни против СЈО, против Ленче, против Гаврил, против сите кои четири години не само штпо собираа туку собраа плус докази од оние кои ги слушнавме во бомбите, ама за малку предмети успеаја да издејствуваат правда. И тука морам да го цитирам Фалконе, вика вака:
“Штом власта и владините подржувачи жестоко напаѓаат обвинители и судии, бидете сигурни дека и обвинителите и судиите се на вистинскиот пат“!
Кај нас, испадна дека прашакот “вмро“ е многу посилен од фактите и вистината. И да не се лажеме, сето ова што се случува со и во државава е дебело стмулирано и потпомогнато од СДСМ, поточно од раководството на оваа партија после бомбите. Одговорете си само на едно прашање и продолжете да молчите: “Што ќе се случеше со бомбите ако Груевски, таа вечер во неговиот премиерски кабинет ја прифатеше понудата на Заев да поднесе оставка од премиерската позиција во замена да не се објавуваат бомбите, и државата да оди на вонредни избори?“
Ниту ќе имавме СЈО, ниту Заев и СДСМ ќе беа на власт 7 години, (ДПМНЕ и Груевски ќепобедеа глатко, затоа што победија и после бомбите, овај нали?). Ќе се чекаше некое ново најново сваровски судство и обвинителство за врвна заштита на најголемите апаши од ДПМНЕ, па да је препуштат власта на СДСМ за овие да го потпишат Преспанскиот договор, а овие, повторно да ги победат на избори со кампања за велепредавство на тој договор, кој, замислете, никогаш нема да го направат ништоивен, неважечки, како што ветуваа, ниту некогаш ќе го избришат Северна од Македонија, па уште 100 години да владеат. Еб.го друже судија, мнозинството од мкд пучанството им верува и шиба позади нивните опашки занесени во смрдеата која ја испуштаат најапашките задници, и ја впиваат како опиум кој ги седнува во првата биртија и кубат влакна од груди, викајќи “Никогаш Северна, само Македонија“! …
Да се најежиш сто пути, малку е…
И сеа некој ќе праша: А чаре бе Боки?
Хе, ако си слеп при очи и глув при уши, ако си глуп, ондак не е кај мене чарето …
Од Фејсбук ѕидот на авторот