Сириските власти ги демантираа тврдењата на опозициските сили дека бил извршен ракетен напад на конвој возила во коj се наоѓал претседателот Башар ал Асад.
„Тие наводи се потполно неточни. Претседателот сам возеше автомобил, присуствуваше на молитва и ги поздрави луѓете. Се е нормално“, изјави министерот за информирање Омран ал Зохби.
По објавата на опозициските сили дека бил нападнат конвојот со возила во кој се наоѓал Асад, државната телевизија денеска емитуваше снимка на која се гледа како тој присуствува на молитва во една џамија во Дамаск по повод празникот Бајрам.
Ислам Аљуш, припадник на бунтовничката бригада Лива ал Ислам, претходно за Ројтерс изјави дека бунтовниците испалиле ракети и ја погодиле колоната на возила во која се наоѓал Асад.
Тоа наводно се случиле додека Асад бил на пат за џамијата Анас бин Малек во областа Малку, каде што се наоѓа и неговата резиденција.
На снимката која ја објави држвната телевизија Асад делува неповреден, пренесе британската агенција.