По големиот број реакции во јавноста, Комисијата за лустрација денеска одржа вонредна седница, да го испита решението донесено во петокот со кое поранешниот академик, писателот Славко Јаневски беше прогласен за соработнмик на тајните служби.
И по денешната расправа, членовите на Лустрациска останаа на ставот дека Јаневски соработувал со тајните служби и давал информации за својите колеги од браншата.
Во заклучокот се вели дека „Комисијата за верификација на фактите, со сиот респект кон личностите и институтциите кои реагираа во јавноста, цени дека нивните ставови се без познавање на фактите и поради тоа, ги отфрла како неаргументирани“ изјави Предраг Димитровски, портпарол на Комисијата.
>>МАНУ: Лустраторите да ја поништат одлуката против Јаневски
>>ДПМ: Бараме одговорност за лустрацијата на Јаневски
Одлуката на денешната седница беше донесена со само еден глас против. Чедомир Дамјановски и овој пат се спротивстави на ваквото решение.
„Денеска ги разгледав документите и тврдам дека, починатиот академик немал соработка со службите од идеолошко политичка природа“, изјави Чедомир Дамјановски.
Според него членовите на комисијата со последните одлуки „свесно влијае на кинење на македонското ткиво, на разнебитување на македонската нација и што е уште полошо, тоа се лица кои што делуваат од внатре“.
За Дамјановски овие лица се квислинзи на македонската нација.