Собранието на Република Македонија ги донесе дополнетите предлози на Законот за вработените во јавниот сектор и на Законот за административни службеници.
Додека опозицијата оценува дека законите ќе го ограничат пристапот на граѓаните до работните места во јавната администрација, владеачкото мнозинство реформата ја нарече суштинска- која ќе ја зголеми професионализација и ефикасноста на администрацијата.
„Зошто не им кажеме на граѓаните дека направивте замислете Академија таканаречена за обуки, а всушност да им објасниме дека Академијата е сектор во министерството коешто се грижи за нивните обуки, ама не само обуки туку и оценки. И сега на крајот треба им кажеме следно, најдобрите оценувани државни службеници, од утре навака од кога ќе го донесете законот ќе бидат наградувани. Тоа е лага, бидејќи законодавецот ќе ви каже најдобрите 5% ќе бидат наградени. Само 5% ќе можат да добијат највисока оценка“, истакна пратеничката на СДСМ, Ана Павлова Данева.
– Се поставува прашањето кој е тој министер, кој е тој премиер, кој е тој пратеник што може на десетици илјади луѓе да им каже вие ќе се обучувате, вие ќе спремате и ќе полагате испити. Вие ќе бидете испитувани на интервју, вие ќе мора да ги положите сите овие новини коишто ги кажува министерството, вие ќе бидете оценети од претпоставените, од колегата, од странката. Ама на крајот највисока оценка нема да може да добиете сите.
– Тоа што не го кажувате е дека ќе имате казни. Казни што значи деградација на еден службеник во цела категорија.
– Секој државен службеник кој што ќе добие задоволителна оценка, но најниска во групата ќе биде казнет. Оние што ќе добијат незадоволителна, отпуштени на улица при прво оценување. Оние што добиле два пати ниски не да бидат избркани од работа, туку слаби оцени, 30% од плата итн., истакна Данева.
Според неа она што предизвикува потсмев, мајтап, жалење за секој административец е новината дека TOEFL , FCE и понатаму сите можни меѓународни странски сертификати, за познавање на странски јазик и за познавање за работа со компјутери ќе мора да ги поседува возачот во едно министерство.
Данева предложи прво министрите и замениците министри нека ги положат тестовите и зошто за нив нема ваква обврска, туку само за административецот.