Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Данке, Чешка и Словачка

0
By Биљана Секуловска on December 19, 2020 ВЕСТИ
СПОДЕЛИ
Facebook Twitter LinkedIn Email
Published: Saturday, December 19, 2020 13:13

Можеби е добро што ќе се создаде барем еден ден, кога министерката Захариева ќе здивне. Ќе се осами, како што тоа мора некогаш да им се случи на политичарите, ќе замолчи за миг и ќе почне да размислува. Од каде прво да се почне.

Ќе ги распореди асистентите и потрчковците пред неа, таа војска која се принудила да клима со главата кога се даваат главните команди- овојпат, таа посакала да биде затрупана со знаење.

Енциклопедии, веројатно Британика, научни дела, тешки и правливи книги, мувлосани архиви, документи полни со историски сознанија. Тоа се премногу различно и произволно толкувани вистини, за одеднаш да бидат дигестирани, купишта томови и материјали, за кои е потребна навистина повеќе од една деценија напорен труд, за да се сфатат барем магловито историските патокази, ако сакате да стигнете до сегашноста, и да ја разберете иднината.

Но, олеснителната околност е дека и нема секогаш само една вистина во изучувањето на историјата, околу што модерните научници се сложуваат, освен некои навистина јасни и непорекливи факти.

Но, изненадувања во првиот пат читање на историските читанки секако дека ќе има Захариева, не само околу учеството на Бугарија во фашистичката окупација, или во улогата на Тито и Живков, подобро познат како Тато. Овие два профили со филигранска писателска вештина и сериозен научен багаж ги извезил  Евгениј Дајнов, во неговиот текст во бугарскиот весник “Дневник”, преведен во порталот “Независен” -“Тито против Тато? Нема западен политичар кој ќе го избере Тато”.

Захариева дополнително ќе се сепне ако го погледне само периодот на Варшавскиот пакт и инвазијата на Чешка, наречена Операција Дунав и дипломатскиот план- наречен Доктрината на Брежњев. Уште повеќе ќе се стаписа кога ќе види кои земји влегле во таа окупација. Меѓу нив, била и Бугарија- а целта уште повеќе може да ја шокира- да се запре Прашката пролет на Александар Дубчек и реформите на либерализација, за да се наметне зацвртување на авторитарноста на Комунистичката партија на Чехословачка.

Верувам дека ова биле здодевни и неинспиративни историски теми за Захариева, се до денот кога Чешка и Словачка ставија вето донесувањето на заклучоците за проширувањето на амбасадорите на ЕУ. Прага и Братислава се спротивставија на бугарските барања, што стана компромисен предлог на германското претседателство- да биде со златни букви додадена реченицата- “погрешно толкување на историјата”. Чешка и Словачка оваа блокада вака ја објаснуваат: “Поимот за фалсификување на историјата, за нас би бил огромна штета за процесот на проширување и потенцијално може да донесе дополнителни компликации на патот, Ние нема да дозволиме Унијата да биде судија на нашата споделена историја, како се идентификуваме себеси и јазикот што го користиме”.

Вакво писмо до ЕУ можеше да биде испратено од македонската Влада уште првиот ден, кога започна тероризирањето од страна на Бугарија со ставањето на вето. Можеби и  имало, се е можно, но не сум чула за него, можеби сме станале во меѓувреме глуви, слепи и неми, по децениските малтретирања со ЕУ со кои се соочуваме капнати, премалени и многу, многу уморни. Единствено, неуморна останува Захариева, се до денот кога навистина ќе реши да се осами и здивне, и почне да ја прелистува црната историја, со чие разбирање само може да се дојде до светли мисли кај политичарите, за да се досегне иднината. Поинаку, може да се дојде до ситуација во која, како што би рекол Евгениј Дајнов, незнаењето да убива.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.