Граѓанската иницијатива „Во одбрана на Дебар Маало“ до потенцијалните кандидати за градоначалници и советници на Општина Центар, се обрати со платформа „Здравјето пред профитот“.
– Очекуваме нашите права да се остваруваат и квалитетот на животот постојано да се подобрува согласно стандардите за урбаното живеење во 21 век. Ние, граѓаните кои што живееме во Општина Центар, а особено во Дебар Маало 1 и 2 и градски парк, сметаме дека општинските власти со години не ги спроведуваат или само делумно ги спроведуваат, а честопати дури и ги изигруваат или забораваат изборните ветувања.
На овие локални избори ќе ги гласаме само оние кандидати кои ќе понудат програма за поквалитетен живот во Општина Центар и кои експлицитно ќе се обврзат дека ќе ја реализираат во предвидениот мандат – пишува во платформата.
Од кандидатите за градоначалници и советници бараат законско и транспарентно работење на општината по пат на интерактивна, отворена, ажурирана и функционална Веб-страница и контакт ел.мејл адреси;
Иницијативата бара и стопирање на издавање на нови одобренија за градба и воведување на мораториум за градба според веќе предложените барања на граѓаните додека не се изготви нов ДУП според сите стандарди и без случајни превиди.
Целиот текст од платформата можете да го прочитате на следниот линк.