Едно од основните согледувања е дека децата се најнезаштитени онаму каде што треба да бидат најзаштитени (во домот, во училиштето, во другите институции кои се надлежни да овозможат непречено остварување на правата на децата), оценка од генерални согледувања за работата на СОС телефонот за деца и млади, како и на Бесплатната правна служба за периодот од јануари до јуни 2013 година.
Вкупниот број на регистрирани јавувачи во првата половина на 2013 година е 105. Од нив само 4 деца имале храброст да пријават насилство или прекршување на некое нивно право, информираат од првата детска амбасада Меѓаши.
>>Над 1.500 деца во Македонија без ЕМБГ се цел на злоупотреби
>>Кампањите развиваат чувство на реваншизам меѓу децата
Најкарактеристични податоци кои што можат да се издвојат за децата кои се опфатени во пријавените случаи, за можни прекршувања на нивните права, регистрирани во Детската амбасада Меѓаши се:
– Сомнеж за политичка злоупотреба на деца – 40 деца, од вкупниот број на деца потенцијални жртви, на евентуална политичка злоупотреба
– Сиромаштија -38 деца, од вкупниот број на деца потенцијални жртви, живеат на работ на егзистенцијата, во субстандардни услови.
– Семејно насилство- 32 деца од вкупниот број на деца потенцијални жртви, биле незаштитени и изложени на насилство во своето семејство.
– Бракоразводни постапки-19 деца биле потенцијални жртви на прекршување на правото на детето при бракоразводни постапки
– Насилство меѓу врсници- 13 деца од вкупниот број на регистрирани случаи, се потенцијални жртви, на насилтво физичко и психичко од страна на своите врсници
– Сомнеж за сексуална злоупотреба-3 деца биле жртви на сексуална злоупотреба или постои сомнеж за сексуална злоупотреба од страна на близок или познаник на детето-жртва.