Дуња Иванова: Децата денес очигледно растат сами. Родителите уредно им купуваат телефони, таблети и лаптопи, а потоа со искрено изненадување откриваат дека децата ги користат.
Следи логичен чекор: петиција, забрана, закон. Зашто ако нешто излезе од контрола, најдобро е контролата да се префрли на државата. Кој кого воспитува останува отворено прашање. Родителите децата или децата родителите?
Родителството не е однос на супериорност ниту серија кратки наредби, туку љубов на секое ниво и секојдневно покажување како се живее и се избира. Па можеби вистинското прашање не е како децата ги користат социјалните мрежи, туку како тоа го прават самите родители.
Забраните се најлесниот одговор. Воспитувањето и секојдневното растење е најтешкиот и единствениот што функционира.
И навистина е фасцинантен оптимизмот дека на овие деца нешто може да им се забрани … Ако ништо друго, ќе си создадат нов, подобар и побрз свет, само за себе, додека возрасните сè уште расправаат што точно треба да се забрани.
Извор: Фејсбук