Процесот за решение на проблемот со името во ОН нема никаква врска со Европската унија и со интегративниот процес на ФИРОМ. Преговорите со Нимиц се еден, а активностите на Филе за добивање датум за Македонија се друг процес. Акцентот треба да се стави на ОН. Грција не е против средби, но за она што го предлага Филе, треба да има смисла, добра подготвеност и треба да донесе резултат -изјави денеска портпаролот на грчкото МНР, Григорис Делавекурас.
Тој го потенцираше Меморандумот за разбирање кој го прати шефот на грчката дипломатија, Аврамопулос до Попоски како поттик за интензивирање на разговорите и преговорите меѓу Македонија и Грција и нагласи оти неговата земја очекува, набргу низ дијалог Македонија да ги реши внатрешно политичките проблеми и несогласувања.
“Македонската страна има континуирана негативна пропаганда против Грција и не е насочена кон тоа да го реши прашањето, но се надеваме дека на следната средба во Њујорк на крајот од јануари ќе постои промена на позицијата од страна на Скопје.”- додава Делавекурас.