Филхармонија сама си признава дека испушта од работа личност која позади себе нема само уметнички успеси низ светот и беспрекорно работно досие во институцијата, туку и огромни искуства во образовната дејност. Дали сега Дијана пречи и со своето образование и претходно работно искуство? “Разбирливо е”.
Дино Имери
Денешниот така наречен “ДЕМАНТ” од Филхармонија всушност самиот по себе претставува ПОТВРДА за следните работи:
Филхармонија (или авторот на демантот?) смета дека е “РАЗБИРЛИВО” да се ограничи пристапот во јавните културни институции на лицата на кои им престанал работниот однос. Но, не грижете се – ќе Ви биде дозволено да си ги земете Вашите лични предмети, аранжмани, нотни записи, енциклопедии, композиции, биро и книги во договор со обезбедувањето.
Замислете, некој оваа (не)разбирлива реченица прво ја смислил во глава, а потоа одлучил јавно да ја објави за ние да ја проголтаме и прифатиме како начело по кое треба во иднина да се водиме.
Филхармонија во овој текст фактички и материјално признава дека работното место на Дијана требало да биде на НЕОПРЕДЕЛЕНО време, а истовремено свесно не ја користи можноста да го трансформира. Напротив, сега смета дека повеќе НЕ ИМ Е ПОТРЕБНО ова работно место бидејќи немало значително зголемување на концертите во текот на сезоната.
Уште еден гаф кој покажува дека некој во Филхармонија не знае (?) како се одвива работниот процес на нототеката и динамичната потреба од распишување, нотографија, барање на материјали и сѐ што јасно стои во описот и пописот на работното место, па ја врзува потребата од местото со бројот на концертите. Дали е во прашање професионално непознавање или обид за релативизирање на работното место сега откако нели, не било потребно, а треба да биде на неопределено, било работно место на пензиониран, побарале согласност за определено, ама не го ставиле во план! Всушност, се прашувам дали во овој момент Филхармонија воопшто ЗНАЕ што сака и што ѝ е потребно?
Според текстот, Филхармонија никогаш не ѝ ветила вработување на неопределено време (иако требало да биде од почетокот на неопределено!?), па го споменува и претходното работно место на Дијана како наставник и корепетитор во ДМБУЦ “Илија Николовски-Луј”.
Значи, не само што претходното работно место нема никаква врска со сегашниот спор, туку Филхармонија сама си признава дека испушта од работа личност која позади себе нема само уметнички успеси низ светот и беспрекорно работно досие во институцијата, туку и огромни искуства во образовната дејност. Дали сега Дијана пречи и со своето образование и претходно работно искуство? “Разбирливо е”.
На крајот од така наречениот “ДЕМАНТ” Филхармонија се обидува на некој начин да ја релативизира кредибилноста на Дијана, јавно изнесувајќи суми на хонорари за чесно сработени дела во согласност со сите законски регулативи, при тоа додава суми од концерти кои таа ги сработила во период пред воопшто да заснова работен однос во оваа куќа.
НЕВКУСНО, но “разбирливо”.
Заклучок: Уметниците кои ја носат публиката во Вашата зграда со својата работа на високо професионално ниво, уметниците кои ја претставуваат државата во светот, сите културни работници кои го даваат својот максимум на работното место НЕ МОЖАТ да Ви нанесат штета на угледот и реномето на институцијата. Тоа можете да го направите САМО ВИЕ!