Нам во Македонија нема да ни биде толку тешко затоа што ние веќе сме во мрак. Нашите очи и сите други сетила веќе се адаптирани на вморонската темнина во која не можат да успеат ниту шампињони, камо ли луѓе.
Бранко Тричковски
Нема да биде прв пат Америка да го остава на цедило слободарскиот свет. Но, ако се остварат најавите од предизборната кампања на новата власт во однос на Украина, тоа ќе биде убиство со отуство на мисла, злосторство не само врз Украина туку и врз Европа. Тој нож во грбот на жртвата на страшната агресија нема да може да не отсече и некој прст на Трамп и на статусот на САД и на секој Американец!
Не е јасно како на таков начин Тгамп, Маск и Венс, ќе ја мејкаат Америка грејт агеин!
Истото важи и за односот кон геноцидот на Палестинците во Газа и ескалацијата на војната на Блискиот исток.
“Време е да се разделиме”,напиша еден читател на “Вашингтон пост” по повод срамното позициинирање на славниот весник и во капмпањата за претседателските избори и за агресијата врз Украина во последно време.
И ние старите американофили ќе мораме да се разделиме од Америка. Оти во тој случај САД ќе го остварат мотото на весникот: “Демократијата умира во мрак”.
Осаменоста е помалку лоша од лажната надеж и цинизмот на големиот патрон. Кој мисли да се ослободи од сите вредности преку кои светот на слободата и демократијата го доживуваа како лидер со факел на светлината.
Говорам како поединец.
Како ќе се позиционираат државите и Народот како полудржава на изумирање – не знам.
Нам во Македонија нема да ни биде толку тешко затоа што ние веќе сме во мрак. Нашите очи и сите други сетила веќе се адаптирани на вморонската темнина во која не можат да успеат ниту шампињони, камо ли луѓе.
Од Фејсбук ѕидот на авторот