Пред малку почна четвриот протест против полициската бруталност и по снимките околу убиството на Мартин Нешковски кои беа објавени во вторникот. Во моментов луѓето полека доаѓаат на протестот.
Репортерот на НОВА е на теренот и јавува дека демонстрантите се повторно спречни да протестираат пред Владата каде што кордон полицајци ги спречуваат да се доближат во зградата.
Засега нема најава каде и дали ќе се движи протестот и дали како вчера ќе решат да одат пред Собранието.
Во првиот ред на протестот се наоѓаат граѓанските активисти кои го отпечатија членот 21 од Уставот на Република Македонија во кој се вели дека “Граѓаните имаат право мирно да се собираат и да изразуваат јавен протест без претходно пријавување и без посебна дозвола. Користењето на ова право може да биде ограничено само во услови на воена и вонредна состојба.»
Здравко Савевски од «Солидарност» рече дека Владата повторно ги крши правата на граѓание бидејќи не дозволува протест пред Владата. Тој на сите демонстранти им порача: «Пак ќе се вратиме» и заедно сите тргнаа кон Министерството за внатрешни работи.
Демонстрантите скандираа «Оставка, оставка» а на имаше транспаренти на кои пишува «Имате ли вие мозок?»
Протестот е мирен, нема никакви знаци на било какво насилство а тука се луѓе од сите возрасти.
Булеварот Климен Охридски е блокиран од двете страни за возила.