Советниците од Општина Центар ја прекинаа седницата, во моментов кога се усвојуваше дневниот ред, на кој прва точка е разгледување на Иницијатива за изработка на Детален Урбанистички план за Градска четврт I 09, Општина Центар- Скопје, доставена од група граѓани и Универзитет „Св. Кирил и Методиј“ Архитектонски факултет-Скопје.
Во истовреме не стивнуваат тензиите во дворот на општината, градоначалникот Жерновски ургентно е изнесен надвор од општината.
Демонстрантите започнаа со кршење на инвентарот, оградите и прозорците на бараките во Општината Центар. Полицијата во одредени моменти не успева да го спречи ваквото однесување.
Демонстрантите извикуваат: „Жерновски – комунист! Жерновски – антихрист! Бараме оставка!“
>>Тензична атмосфера пред општина Центар
>>Г. Агатангел: Жерновски сака да урива црква – лошо ќе помине
Се очекува градоначалникот Жерновски да се обрати пред насобраните граѓани, информираат од општината.
Невладината „Веритас“ го обвини градоначалникот Жерновски дека со измените на ДУП-от со кој се предвидува враќање на зелените површини Општината ќе започне со уривање на црквата Св.Констатин и Елена.
Сепак од општината информираат дека тоа не е точно, бидејќи како што изјави претседателот на Советот на Општина Центар Мирослав Шиповиќ во предлог- одлуката за укинување на ДУП-от, воопшто не подлежи на укинување на објекти кои се во градба и за кои е издадена документација.