Во организација на библиотеката „Тане Георгиевски“ и Друштвото на писателите на Македонија, на 17.октомври во Куманово се одржува манифестацијата Ден на ДПМ.
Во 19 часот пред љубителите на литературата ќе настапат автори од повеќе генерации: Стојан Тарапуза, Раде Силјан, Елена Пренџова, Веле Смилевски, Ристо Лазаров, Данило Коцевски, Санде Стојчевски, Билјана Станковска, Бранко Цветкоски, Бобан Богатиновски, Весна Ацевска, Братислав Ташковски, Оливера Доцевска, Јовица Тасевски Етернијан и Марина Мијаковска.
Свој говор на отворањето на манифестацијата ќе има директорката на Градската библиотека во Куманово Нада Ивановска и претседателот на ДПМ Веле Смилевски.
Средбата ќе биде од традиционален карактер, а секоја година во октомври ќе се одржува средба од ваковтип во знак на слободарските традиции на градот Куманово.
Манифестацијата се организира во рамките на проектот за дисперзија на културните настани во Македонија.
Неодамна Ден на Друштвото на писатели се одржа во Гевгелија, а наскоро вакви манифестации ќе бидат организирани во Кавадарци, Охрид, Битола и Велес.