Денеска ќе биде погребан Димитрије Јаниќиевиќ, убиениот советник на Самостојната Либерална партија во Општината на Северна Косовска Митровица. Во градот е прогласен ден на жалост.
Безживотното тело на 35-годишниот Јаниќиевиќ синоќа било донесено од обдукција во семејната куќа во Косовска Митровица.
Тој беше убиен ноќта меѓу средата и четвртокот пред неговата семејна куќа кога непознати напаѓачи во него пукаа од огнено оружје.
Јаниќиевиќ е татко на три деца, а зад себе ја остави бремената сопруга и родителите.
Претседателот на Србија Томислав Николиќ порача дека овој злостор нема да ја поколеба Србија на таа територија да создаде услови за безбеден живот на своите граѓани.
Осуда за убиството стигна и од Стејт Департментот, а високата претставничка на ЕУ за надворешна политика, Кетрин Ештон изјави дека очекува брза истрага.