Денеска се одебележува Светскиот ден за свесноста за аутизмот и еден ден од месецот посветен на овие лице.
Активностите во кои тие беа вклучени започнаа минатата недела кога група аутистични дечиња заедно со своите родители готвеа со неформалната организација #РетвитниОброк која уште еднаш покажа дека инклузивноста на сите граѓани е најважна и дека треба да се намали стигматизацијата и предрасудите.
Во саботата се оддржа настан во Паркот на Франкфонијата каде што преку низа активности започна кампањата која Aутизам МК/ Autism Awarеness ја спроведува секоја година. Децата боеја, цртаа и го разубавија скопскиот Кеј.
На оваа акција се приклучија и неколку кафулиња низ градот кои поставија промотивен материјал во знак на поддршка.
Во Македонија нема точна статистика колку деца се со оваа состојба. Официјално регистрирани се 140, но претпоставката е дека нивниот број е над 10.000.
Од Македонското научно здружение за аутизам велат дека во земјава не постојат софистицирани начини за дијагностика на аутизмот, како на пример во САД, и дека се случува да има погрешни дијагнози со години.