Поранешниот израелски премиер Ариел Шарон денеска ќе биде погребан на семејниот имот на југот на Израел во пустината Негев, недалеку од појасот Газа.
Комеморацијата по повод смртта на Шарон, кого израелците го сметаат за „херој“, а Палестинците за „воен злосторник“, започна утрото во израелскиот парламент – Кнесет во Ерусалим.
Покрај израелските државници, присутни се странски претставници, меѓу кои и американскиот претседател Џозеф Бајден, германскиот министер за надворешни работи Штајнмаер и поранешниот британски премиер Тони Блер.
Со воени почести денеска во 13 часот Шарон ќе биде погребан покрај неговата сопруга Лили, од него ќе се простат неговите синови Гилад и Омри, како началникот на Генералштабот на израелската војска Бени Ганц.
Ариел Шарон, кој почина на 11 јануари, беше во кома од 2006 година откако доживеа мозочен удар.
Тој стана израелски премиер на 17 февруари 2001-та година, а предходно беше министер за одбрана. Беше лидер на партијата Кадима и десничарската партија Ликуд.