Агенцијата за финансиска поддршка на земјоделството го објави 10-от повик за користење на средствата од ИПАРД фондовите на Европската унија, наменети за земјоделско производство.
Огласот за искористување на парите од оваа петта компонента од инструментот за претпристапна помош ИПА трае до 10 декември.
Парите се наменети за инвестиции во земјоделските стопанства со цел нивно преструктуирање со цел да се достигнат стандардите на Европската унија, за инвестиции во преработка и маркетинг на земјоделските производи и за диверзификација и развој на руралните економски услуги.
Потребната документација за подготвка и поднесување барања, вклучително и Упатствата за корисниците на средства од ИПАРД Програмата 2007-2013 може да се преземат од веб страната на Агенцијата и лично во приемницата на Агенцијата за финансиска поддршка во земјоделството и руралниот развој и во најблиските регионални центри или работни единици на Агенцијата за поттикнување на развој во земјоделството секој работен ден од 8:30 до 16:30 часот.
Од службениците во Агенцијата земјоделците можат да добијат и совети за аплицирање и подготовка на проектите.