Помина речиси една недела откако лидерот на СДСМ, Зоран Заев, го објави мега-скандалот од 1,5 милион евра кеш од продажбата на Македонска банка. Обвинителството молчи, судството молчи провладините медиуми молчат, МТВ молчи. Тоа е уште една потврда дека за време на владеењето на ВМРО – ДПМНЕ завладеа институционален и медиумски мрак. Свесни сме дека зависното и партизирано судство создава несигурни граѓани под притисок на власта, рече на денешната прес-конференција, Рената Дескоска, носителот на пратеничката листа на СДСМ во ИЕ 1.
Таа денеска најави дека програмата на СДСМ ќе направи сериозни реформи во судскиот систем.
– СДСМ ќе го направи судството столб на демократијата и владеењето на правото во Република Македонија. Ќе се бориме за трајно решавање на состојбите во оваа сфера и ќе спроведеме правни и институционални реформи за надминување на актуелната катастрофална состојба во судството. Нов почеток на судството во Македонија ќе значи дека судските одлуки нема да се пишуваат на Илинденска бб – рече Дескоска.
На новинарско прашање дали со вакво судство по мегаскандалот за продажбата на Македонска Банка, што го објави Заев, ќе заврши само со пријава за навреда и клевета
Дескоска одговори доколку на 27 се случат промените нема овој случај да заврши како што завршија и сите.
„Во оваа ситуација во која се наоѓаме денес во која судството и обвинителството се целосно партизирани и институциите не работат врз основа на законот, туку врз основа на наредбите од Илинденска бб не сум оптимист дека институциите ќе профункционираат. Но ние на 27 се надеваме на промени и нов почеток кои ќе го вратат владеењето на правото и независното судство во РМ,“ рече Дескоска.