Студентите со голем интерес го проследија предавањето на единствениот сертифициран полиграфист во МВР, Костадин Иванов.
Тој објасни дека полиграфот ги испитува, ги чита невролошките и психофизиолошките реакции на испитаникот, ги мери и ги запишува на софтверот, додека полиграфијата опфаќа три научни области: право, криминалистика и невропсихофизиологија. Полиграфот е инструмент што е конструиран така што истовремено ги регистрира промените во крвниот притисок, пулсот, дишењето или т.н. електродермални реакции кај лицето што се испитува
Студентите на Факултетот за детективи и криминалистика при Европскиот универзитет – Скопје имаа можност да се запознаат со полиграфската техника, методите на работа и начинот како ја користат полицијата и другите истражни органи во својата работа. Со голем интерес го проследија предавањето на единствениот сертифициран полиграфист во МВР, Костадин Иванов.
Полиграфот ги испитува, ги чита невролошките и психофизиолошките реакции на испитаникот, ги мери и ги запишува на софтверот, додека полиграфијата опфаќа три научни области: право, криминалистика и невропсихофизиологија. Полиграфот е инструмент што е конструиран така што истовремено ги регистрира промените во крвниот притисок, пулсот, дишењето или т.н. електродермални реакции кај лицето што се испитува.
Но, нагласи дека на полиграфско тестирање не смеат да подлежат лица во стресна состојба, лице што зема лекови за смирување, лице со други, особено тешки душевни пречки, лица што користат психотропни супстанци, но и бремени жени по петтиот месец од бременоста.
Тестирањето на полиграф е едно од овластувањата на полицијата, што значи дека преку полиграфот може да се тестираат кривични и прекршочни дела. Почесто кај нас се користи за расветлување кривични дела во кривичната постапка, најчесто во предистраги, а може да биде и во истражен процес – истакна Иванов, нагласувајќи дека полиграфското тестирање е доброволно.
Тој објасни дека ниту еден осомничен не седнува веднаш на полиграф, бидејќи испитувањето има неколку фази низ кои мора да ги помине и полиграфистот: анализа на лицето, предполиграфско интервју од најраното детство на личноста до моментот кога се случило кривичното дело и третата фаза е поставувањето прашања на полиграфскиот тест, кои се делат на критички, контролни и ирелевантни.
За да се направи еден тест, потребни се од 3 до 5 полиграми – нагласи Иванов.
Тој наведе дека според статистичките податоци, податоците од полиграфското тестирање се 94 проценти веродостојни.
Тестирањето на полиграф во светот има долга историја и традиција во криминалните истраги, но и во безбедносните служби за утврдување лојалност и интегритет, а во нашето Министерство за внатрешни работи се користи од 1984 година.
Резултатите од полиграфот можат да бидат вистинити, лажни или без мислење, односно неодреден резултат, при што секој од тие добиени резултати е математички пресметлив, може да се изрази со формула и да се докаже како е постигнат конечниот резултат – вели полиграфистот Иванов.
Како што нагласи Иванов, популарниот полиграф или детектор за лаги е црна кутија поврзана со неколку сензори што се прикачени на телото на субјектот.
Има абдоминален сензор, кој се става под градите на испитаникот и торакален сензор, кој се поставува над градите. Тие се поставуваат на телото така што не се ниту премногу стегнати ни премногу лабави и се поврзуваат со црната кутија. Значи, во основа, оваа црна кутија е полиграф или детектор за лаги, познат во некои кругови, и овие сензори се контакт. Тие се ставаат во контакт на телото на секој субјект, се поврзуваат со оваа кутија, понатаму ги пренесуваат информациите добиени од телото на човекот во софтверот и таму може да се прочитаат повратните информации – објасни Иванов.
Тој нагласи дека поривот за правење ваква машина е да се докаже дека одредено лице не го сторило кривичното делото за кое е осомничено. Линк