Децата од сиромашни семејства ослободени од партиципација за лекување

Владата на денешната седница ја усвои одлуката да се ослободат од партиципација при користење здравствени услуги младите до 18 години кои доаѓаат од семејства кои се корисници на социјална помош.

-На предлог на Министерството за труд и социјална политика и на Министерството за здравство, Владата на Република Македонија јa разгледа и усвои Информацијата за ослободување од партиципација при користење на здравствени услуги на лицата до 18 години возраст, чии семејства се корисници на правото на социјална парична помош – пишува во соопштението од денешната владина седница.