На девет години затвор е осуден член на групaта Пинк Пантер од Црна Гора, од Судот во Женева заради милионски кражби на накит во Луцерн и Женева и на драги камења во Цирих.
Во пресудата се вели дека, судот нашол докази дека 39 годишниот црногорски државјанин е прогласен за виновен за кражбите, но и за тоа што е утврдено дека бил член на озлогласената банда во периодот од 2003 до 2012 година.
Пред еден месец во Франција беше уапсен Миле Хаџиски, кој во Македонија изврши убиство на неговата девојка во населбата Аеродром пред 20 години.
Хаџиски бил поранешен легионер и се претпоставува дека е член на бандата „Пинк Пантер“, а минатата година успеал да побегне од швајцарскиот затвор Буа Мермет во Лозана.
Криминалецот бил откриен со локализирање на неговиот мобилен телефон, откако неколку седмици го барала француската судска полиција.
По убиството во Скопје, Хаџиски избегал во Франција, каде со лажен идентитет, се приклучил во Легијата на странци на француската армија. По излегувањето од армијата направил провеќе грабежи во Швајцарија, а се занимавал и со трговија со дрога.