Се подобрува здравствената состојба на момчето кое беше тешко повредено во првомајската несреќа во Кочани.
Кај најтешко повреденото девојче состојбата е се уште критична.
Момчето кое во скопскиот Ургентен центар беше донесено во длабока кома со тешки повреди на черепот и пригмечен мозок и денеска се чувствува многу подобро и ќе биде префрлено на Клиниката за неврохирургија, информира дежурниот лекар од клиниката. Тоа се уште е на механичка вентилација.
Останува непроменета состојбата на најтешко повреденото 14 годишно девојче кое при падот од тракторот го скршило черепот од каде при операцијата и’ била отстранета ќерамида.
Докторите велат дека состојбата на девојчето е многу тешка, но сепак се оптимисти бидејќи состојбата и е стабилна и нема промени кон полошо.