Џереми Корбин беше повторно избран за лидер на британската лева Лабуристичка партија и покрај недовербата во врвот на оваа најголема опозициска партија во земјата, покажуваат официјалните резултати од конгресот на партијата кој се одржува во Ливерпул.
Со 61,8 отсто од гласовите, 67-годишниот Џереми Корбин го победи единствениот противкандидат 46-годишниот Овен Смит, речиси непознат пратеник од Велс, кој освои 38,2 отсто од гласовите на речиси половина милион делегати.
Корбин беше жртва на еден вид на дел од членовите на неговата партија кон крајот на јуни по брегзит референдумот. Но, наместо да излезе од политичката сцена, тој се врати зајакнат а аплаузите не стивнуваа откако беше прогласена неговата победа на конгресот.
Тој ги повика членовите да ги збијат редовите велејќи дека «треба да се работи заедно за да има вистинска промена».
«Во нашата партија имаме многу повеќе работи кои не зближуваат отколку што не оддалечуваат», рече тој.
Победата на Корбин се должи во голем дел на гласовите на новите членови на Лабуристичката партија. Околу 300.000 луѓе зедоа карти на партијата во текот на изминатата година.
Со новите 300.000 нови членови Лабуристичката партија стана најголемата партија во Европа.
Многумина беа привлечени од проектот за «демократска револуција». Левите идеи на Корбин привлекоа членови но привлекоа и обвинувања дека во партијата влегле и многу троцкисти и екологисти.
Корбин има голема поддршка кај партиските активисти, но не му е наклонет поголемиот дел од пратениците и врвот на партијата. Тие сметаат дека партијата се свртела многу лево и дека со таква идеологија не да може да се врати на власт.
Со новите 300.000 нови членови Лабуристичката партија стана најголемата партија во Европа.