Published: Thursday, March 10, 2016 19:00
Државната изборна комисија на денешната седница едногласно го усвои упатството за теренска проверка на Избирачкиот список, откако претходно беа одбиени неколку предлози за формулирање и дополнување на упатството.
Седницата на ДИК сè уште трае, а членовите дискутираат за тоа дали пријавите на граѓаните треба да се третираат како барања или по службена должност. На седницата се дискутира и за основите по кои граѓаните можат да пријават нерегуларности а кои веќе се ставени во апликацијата за проверка на списокот објавена на интернет-страницата на ДИК.
Од досега пристигнатите пријави од граѓаните, правната служба обработила 683. Вкрстените проверки се при крај, и се очекува наредната недела да излезат првите резултати.