Излезноста на гласачите на локалните избори на ниво на Република Македонија до 13 часот според податоците што ги соопшти Државната изборна комисија изнесува 27,11 проценти.
Во Скопје, како што соопшти портпаролката Љупка Гугучевска, изнесува 29,17 проценти.
На локалните избори во 2013 година, излезноста на ниво на државата до 13 часот била 34, 89%.
На прашањето дали се регистрирани неправилности во текот на изборниот процес, Гугучевска изјави дека ДИК во моментов е во постојано заседание, односно има седница на која сите предизвици кои се појавуваат во текот на гласањето се решаваат.
– Сите неправилности се отстранети и гласањето тече без прекин, рече Гугучевска.
Од ДИК не ги коментираа забелешките на МОСТ во однос на неправилности во текот на гласањето и најавија прес-конференција во 18 часот на која ќе дадат пресек за излезеноста до 17 часот и за случувањата на избирачките места.
Излезноста во секоја општина посебно на следниот линк.