Published: Thursday, March 17, 2016 09:48
Членовите на Државната изборна комисија на вчерашната седница не го усвоија извештајот со резултатите од вкрстената проверка на податоците во базите на МВР со оние на 10 други институции.
За денеска е најавено продолжение на седницата, но не се открива причината зошто извештајот не е усвоен и дали евентуална причина за тоа е бројот на спорни гласачи, како што најавуваше опозицијата, која очекуваше дека бројката ќе биде од 100 илјади до 500 илјади гласачи.
Од извештајот од вкрстената проверка зависи и кога ќе започне теренската проверка на податоците, при што ќе се проверуваат и нерегуларностите кои граѓаните ги пријавуваа во ДИК откако беше објавена електронската верзија на Избирачкиот список.