Во првиот круг од седмите по ред локални избори, од досегашните обработени податоци во Државната изборна комисија, избрани се градоначалници на 34 општини. Од нив, во 22 општини новите градоначалници се од ВМРО – ДПМНЕ, во девет општини се од СДСМ, а во три општини најмногу гласови освоиле кандидатите на ДУИ, информираше претседателот на ДИК, Александар Даштевски.
Во вториот круг во најголем дел од општините ќе се избира меѓу кандидатите на СДСМ и ВМРО – ДПМНЕ, додека во седум општини во вториот круг се кандидатите на Алијанса за Албанците и ДУИ. Во две општини во вториот круг се кандидатите на ДУИ и БЕСА.
Во вториот круг, битката за градоначалничката фотелја во Скопје ќе ја водат Петре Шилегов од СДСМ и независната кандидатка поддржана од ВМРО – ДПМНЕ, Данела Арсовска. Во Советот на Град Скопје Коалицијата на ВМРО – ДПМНЕ доби 17 советника, а на СДСМ 12 советника. ДУИ освои шест советници, Левица четири, а по двајца советници добија Коалицијата Алијанса за Албанците и Алтернатива, како и група избирачи Драгана Велковска.
Втор круг ќе има во уште 46 општини.
Во Центар Жупа и Маврово и Ростуше ќе се повтори изборната постапка