Договор на предвремени парламентарни избори со СДСМ не постои, нема ниту датум, ниту датум за датум, како што милуваат да кажат, изјави пред новинарите Илија Димовски, член на Извршниот комитет на ВМРО – ДПМНЕ .
Тој објасни дека тоа не е само став на ВМРО-ДПМНЕ кој што неколку пати го повторивме, туку вие и самите сте сведоци дека преставници на меѓународната заедница кои директно учествуваа во тие разговори помеѓу двете политички партии потврдија дека не постои ниту датум, ниту датум за датум за предвремени парламентарни избори.
„Би сакал да потенцирам неколку моменти, не е првпат во РМ, СДСМ и нивниот лидер Црвенковски да обвинува, измислува и манипулира со теми поврзани со проблемот што го имаме со Грција.
– Очигледно дека г-динот Црвенковски сфати дека првичниот изговор за својата капитулација кој што се обиде да го пласира дека договорот за предвремени избори не му помина, никој не му поверува“, истакна денеска Димовски.