Агенцијата за Национална Безбеднот во две годишниот период од своето функционирање, за време на кое морале да се соочат и со предизвикот наметнат од пандемијата со Ковид-19 , реализирала неколку илјади безбедносни проверки на лица чие работно место налага , согласно стандардите на НАТО, поседување безбедносен сертификат за пристап до класифицирани информации. Самите проверки, вели Директорот на АНБ, Виктор Димовски биле спроведувани согласно стандардите на НАТО, и обично за нив било потребно подолго време и поширок опфат. Околу информациите во јавноста дека и дел од функционерите не ги задоволуваат строгите НАТО, безбедносни критериуми, Димовски изјави дека 90% од информациите за одредени функционери што се пласирале во јавноста за оваа тема, не биле точни. Тој изјави дека на пр. од нешто над 100 проверени лица , нешто помалку од 10% добиле негативен одговор за поседување безбедносен сертификат со кој би имале пристап до информации класифицирани дека се од висок безбедносен ризик на НАТО. Дел од елиминираните лица за добивање на ваков сертификат се должел на сознанија од нашите служби, дел од сознанијата што ги поседувале службите на НАТО. Димовски се осврна и за процесот на ветинг
-Ветингот е една од најважните работи , што се спроведе во АНБ во овој период. Од околу 800 вработени ние селектиравме 365 лица кои го поминаа ветингот. Треба да сме неселективни во спроведувањето на ветингот , ќе се трудиме овој процес да го одржиме и да сме бескомпромисни иако можеби за одредени случаи ќе има несогласувања или негодувања но попуштања не смее да има.
Димовски на брифингот со новинарите избегна директно да одговори, ако биде сменет од АНБ, дали повторно би и се вратил на дипломатијата . Тој само нагласи дека не е важно каде ќе ги продолжи последните години од кариерата, и дека за АНБ бил задолжен и одговорил на предизвикот, како и тоа дека персоналните избори на лица кој каде би бил не би требало да се најважното нешто во функционирањето на една институција.
М.Трпческа