Британските власти ќе мора да донесат некои тешки одлуки и се плашам дека времето за одлучување е веќе пред нас, вели поранешниот шеф на британското воено разузнавање Ричард Дирлав.
Велика Британија е вклучена во т.н „сива војна“ против Русија, но ниту властите ниту јавноста не ја сфаќаат ситуацијата доволно сериозно, смета поранешниот шеф на познатата разузнавачка служба МИ6.
Дирлов ја предводеше британската воена разузнавачка служба од 1999 до 2004 година.
Вооружените сили на Обединетото Кралство не добиваат доволно финансиски средства за да можат да одговорат на заканите од Москва и Пекинг, изјави Дирлав во интервју за „Политико“.
Неговата изјава уследи по минатонеделната најава за усвојување на буџетот на Велика Британија за следната фискална година, во која се наведува дека нема да има зголемување на издвојувањата за одбраната, поточно за овој сегмент повторно ќе бидат наменети два отсто од БДП.
Британските власти ќе мора да донесат некои тешки одлуки и се плашам дека времето за одлучување е веќе пред нас. Треба да трошиме 2,5 отсто од БДП за одбрана “, рече Дирлав.
Во однос на војната во Украина, поранешниот британски разузнувач вели дека овој конфликт ја покажува важноста на живата сила на современото бојно поле и посочи дека бројот на луѓе во копнените сили на британската армија од 2006 година е намален за 26 илјади, а денес има само 74 илјади активни членови.