Државната изборна комисија (ДКСК) на денешната седница ги усвои препораките да се изврши финансиска ревизија на Агенцијата за млади и спорт, но и директорот на Агенцијата да овласти други државни службеници од вработените, да вршат инспекциски надзор во националните спортски федерации, бидејќи во моментов во Агенцијата работат само двајца инспектори.
Членот на ДКСК, Владимир Георгиев на седницата препорача да се побара од Државниот завод за ревизија да изврши финансиска ревизија на Агенција за млади и спорт, но и продолжена ревизија на федерациите кои добиле најголем износ на средства за користење на ваучери, како и на неколку други федерации, за кои во меѓувреме додека постапувале по предмет, добиле приговори или пријави од спортските клубови околу самото трошење на средствата, односно неправилности во користењето на ваучерите.
-Вториот предлог на ДКСК е за Централната комисија на Агенцијата за млади и спорт дека со послдната измена на Законот за спорт и начинот на избор, без притоа да бидат наведени никакви критериуми кој може да биде член на оваа Комисија, упатува на сомнеж дека е можно да се врши и политизација при одлучување, бидејќи согласно Закон, сега членови директно ги предлага Влада, а Агенција за млади и спорт ја формира Централната комисија, рече Георгиев.
Тој предложи и во претстојниот период да бидат побарани дополнителни податоци, но и соодветен инспекциски надзор внатре во работењето на самата Централна комисија на Агенција за млади и спорт.
Трет предлог е директорот на Агенцијата за малди и спорт да ја пропише формата и содржина како што е предвидено во Закаонот за спорт, на извештаите за национални спортски федерации и правни лица како корисници на средства за даночно ослабодување во кои треба да прикажат колку средства примиле од претходната година, од кого и за кои се истите потрошени.
Во спротивно, како што рече Георгиев, ќе имаме ситуација на немање никаква транспаретност и отчетност како се трошат средства кои се добиваат од ваучерите.
Исто така, предлог на ДКСК е и директорот на Агенцијата за млади и спорт да овласти други државни службеници од редот на вработените во Агенција да вршат инспекциски надзор по национални спортски федерации околу постапките на доделување и трошење на финансиски средства од ваучери, како што е предвидено со законот.
Георгиев препорача да се крене иницијатива да се преиспита самиот систем на финансирање на спортот преку користење на ваучери поради наведените ризици и слабости.
Според Георгиев, финансирањето на субјектите од дејност спорт преку системот на ваучери, а во ситуација кога нема формално изготвено унифициран образец, резултира со очигледна практика на нетранспарентност и неотченост.