Филмот „До Балчак“ е македонски кандидат за Оскар за 2015та година во категорија – филм од неанглиско говорно подрачје, одлучи комисијата на Друштвото на филмските работници.
„До Балчак“е романтична љубовна приказна во која вечната македонска кауза за сопствен идентитет и самостојност е видена од агол на строга индивидуалност, лишена од каква било идеологизација. Режисер на филмот е Столе Попов,а сценариото го напиша Горан Стефановски.
И покрај серијата скандали, кој се случија пред и по премиерата, а не се однесува за филмската вредност туку на продуценскиот тим, македонската јавност не е запозната со квалитетот на филмскиот производ.
Комисијата во состав Роберт Насков (продуцент), Вардан Тозија (режисер), Горан Игњатовски(мејк ап артист), Иван Бартлинг (сценограф), Димитар Попов (кинематограф) со мнозинство гласови одлучи филмот на режисерот Столе Попов да ја претставува Македонија.