Брутално семејно насилство кое завршило со смртни последици. Четириесет и шестгодишниот Џ.Ш. од Радовиш вчера го убил осумгодишниот син. Според полицијата, тој го истепал синот, кој од внатрешните повреди починал.
Истражителите откриле дека таткото со дрво го удирал синот по градите и по главата. Потоа, со постариот син го однеле во радовишката болница, каде лекарите само ја констатирале смртта на детето.
Телото на убиеното дете е однесено за обдукција, а полицијата го привела таткото.
„Во неколу наврати имаме констатирано неефикасност на државните институции, во неможноста за утврдување на надлежноста на Центрите за социјална работа го доведуваат во прашање оптималниот раст и развој на децата жртви на насилство“, се вели во реакцијата на Првата детска амбасада во светот Меѓаши. Од каде потсетуваат на случајот од пред неколку години кога мајка го претепа сопственото дете до смрт.