По синоќешните информации дека Зоран Заев најавил повлекување на кандидатурата за лидер на СДСМ, тој денеска за НОВА беше воздржан за ваквите неофицијални информации:
-Не сакам да ги коментирам јавно внатрешните работи на СДСМ. Оваа цела постапка за претседател на СДСМ е внатрешна работа на мојата партија и ве молам да оставиме СДСМ да ги донесе најдобрите одлуки за својата иднина.
Неофицијално, според извори на СДСМ Заев најавил повлекување од кандидатурата доколку е потребен мир во куќата, односно во Партијата, мислејќи на преголемиот број на кандидати кои претендираат за лидерство.
Освен тоа, за кандидатите станува се попроблематичен и фактот што во меѓувреме се собираат потписи за враќање на Црвенковски, кој за мајскиот Конгрес најави дека нема да се кандидира.
Други извори од СДСМ претходно коментираа дека преголемиот број на кандидати го проблематизира изборот, наместо да се кандидираат двајца, по модел на старите, зрели демократии.
Тој пред две недели најави кандидатура заедно со Радмила Шеќеринска како негов заменик-претседател, со што за прв пат ви се востановила ваква функција.
-Моите другари, Зоран Јовановски и Игор Ивановски исто така би биле одлични лидери, доколку го добијат подршка од мнозинството на Конгресот. Нудам свој концепт и визија заедно со кадровското решение кое ќе биде ставено на маса , а тоа е Радмила Шеќеринска, како мој заменик
– Нашата идеја е да понудиме економски решенија и визија за нашата земја, кои тесно би биле врзани и со надворешната политика. Наша интенција е да понудиме алтернатива на живеење со која ќе го свртиме вниманието прво на партијата, а потоа, се разбира на нашите граѓани, од она денес што го имаат со оваа власт, изјави Заев за НОВА.
Оваа изјава на Заев доаѓа по синоќешното повлекување на лидерот на СДСМ, Бранко Црвенковски, со што го официјализираше почетокот на трката за негов наследник.
Досега познати кандидати се Зоран Заев како лидер и негов заменик Радмила Шеќеринска Игор Ивановски, Зоран Јовановски и Кире Наумов.